كور البطاطس المحشيه
كور البطاطس المحشيه
نبدأ بالمقادير
1) الحشوه
دجاجه أو صدور دجاج
حبه بصل
حبه فلفل رومي
حبتين جزر
فص ثوم
شويا كزبره
والبهارات: بابريكا- أوريغانو – كزبره جافه – ملح وفلفل.
2)للبطاطس:
4 أو 5 حبات بطاطس
ربع كاسه قشطه خفق
ملح وفلفل
3)التلبيسه:
3/4 كاسه قشطه خفق
ملعقتين جبنه سايله
حبه جبنه كرفت مبشوره
ويلا نبدأ نحووس 
< تحسب الناس زيها P:
هنا الدجاج مقطع صغير
وهنا البصل والثوم والجزر والفلفل
وهنا الكزبره والتلبيسه وفنجال القهوه
* أول شيء قشروا البطاطس وقطعوها لأرباع وحطوها في قدر فيه مويه وملح
ونبدأ نشتغل على * الحشوه بنحط شويا زيت في القدر بعدها البصل والثوم لين ماتذيل
<< هنا ماما دخلت عليا على الساعه 1 وتقول أنت لسا ماخلصتي أخوانك ألحين يجون 
<< هو أنا بديت أصلا هيا شافت الحكايه مطوله فبدأت تشتغل على شيء ثاني
تقول لي خليني أساعدك علشان نخلص ،، قلت والله محد يكملها غيري
< مشكله الى راسه يابس 
المهم كملت حطيت الدجاج ونقلب
هنا الغداء البديل قيد التحضير ..
ماشاء الله خلصت بسرعه 
وانا ساعتين جالسه أقطع .. متى أصير زيها بس 
* نضيف البهارات على كيفك انا حطيت البابريكا نص حار ونص حلو
بعد ماأستوي الدجاج * نضيف الخضار ( جزر – فلفل ) شوي لين ماتذبل ونطفي النار
* نضيف الكزبره الخضرا المفرومه آخر شيء .. بكذا تكون أنتهت الحشوه
يتبع
* نشوف البطاطس خلصت أكيد نصفي المويه ونهرسها
* نضيف ربع ك قشطه وشويا ملح نخلطها مزبوط
<< هالوقت أخواني جو وجلسو يتغدون وانا أكمل حوستني
لو جلست ماما تنتظرني كان أمدا أخواني أكلوني أنا بدل الغدا
* نبدأ نكور ألحين نأخذ فجال قهوه كبير أو صغير على حسب مقاس الكور الى تبغينه
نغلفه بورق نايلون علشان يسهل التكوير معانا .. راح نحط شوي بطاطس ونفردها
ونضيف الحشوه وفوقها طبقه بطاطس ونلف النايلون ونرفعه وماتحتاج تكوير تكون خلاص جاهزه
* نرصها في الصينيه لين ماتمتلي .. انا تعبت الصينيه عندي ولسا باقي زايد
فأخذت صينيه صغيره وفردت فيها طبقه بطاطس وحطيت الحشوه فوقها
وفردت فوقها طبقه ثانيه بطاطس
<< يااويلكم تسون ذي الطريقه وتريحون نفسكم سوا الأصليه
المهم لسا ماخلصنا * نرجع للخلطه حقتنا ( قشطه الخفق والجبنه السايله ) نخلطهم سوا
انا ما أنخلطت معايا بسهوله فأضفت شويا مويا ..
* بعدين نصبها على الكور والصينيه الصغيره 😛
* ونبشر جبنه الكرفت ونرشها عليها << كمان هنا لا تحطون شيدر جاهزه ممنوع
وهذي هي قبل ماتدخل الفرن
* الفرن شغال من فوق يادوب تتحمر بس ..
انا تركتها طولت حدود ثلث ساعه جالسه أنتظرها تتحمر >< تفقعت ونشفت
لأني فتحت النار من تحت مو من فوق لا تسون زيي
وبس خلصت الساعه 4 < كويس أنك خلصتي أصلا
لكن أخذت وقت مستقطع بعد التكوير ساعه وشوي للأمانه يعني
ترى حلوه وسهله وماتأخذ كل هالوقت أكيد أدعولي أتعلم بسرعه بس
نقلت لكم الطريقه بتعليقات صاحبة الطبخه عجبتني ربي يسعدها
مشاء الفله تجنن تجنن . وتسلم الايادى يميمي شكلها يجنن فما بالك طعمها . ممكن جبنة متساريلا .
خخخخخخ اكيد فله 
