انا فتاة عزباء..عمري 20 سنة.. التزامي جيد..
حلمت ان دخل بيتنا غزال يركض وانا قعدت اركض من الخوف لأني اصلاً أخاف من الحيوانات ..واخوي الكبير مسك باب البيت وسكره عشان محد يدخل وخاف هو من الغزال لأنه سريع وطلع على برع وانا اقول له اصبر بيي معاك لأني ما اعرف وين اروح اخاف اييني بس كان في حصان برع بعد كان يبا يدخل واخوي سكر الباب وانا ركضت ف الزراعه عشان أدخل الميلس وشفت ان فيه نعوول وعرفت ان اصدقاء اخوي في الميلس بس انا قلت ماعليه بدخل وقبل ما ادخل شفت خداماتنا يركضون ورا الغزال وطلعوه من البيت ..
شو تفسير الحلم ؟؟؟
اكملي شروط المنتدى
حلمـي كان وقت الظهر..
وغير هالشي انا وايد ادعي ربي ان يرزقني بالزوج الصالح ..ف كل وقت تلقيني ادعي ..وأصوم اثنين وخميس والأيام البيض بعد وأدعي من كل قلبي ..
ماشاء الله
الله يثبتنا واياك وابشري الله مايرد عبدة صفر اليدين
هل تقدم لك خاطب ورفضتية أو أخوك رفضه ؟
ولا عند اخوي ..انا بروحي مستغربه وقلت يمكن حد بييني واخوي بيرفضه جي حسيت ..
بس ماعندي علم اذا حد تقدم لي عند اخوي ..لو في حد يمكن يقول بس ماشي من هالمواضيع ابداً
السلام عليكم ورحمة الله وبركاته
إن صدق تفسيري
سيتقدم لكِ خاطب ولايتم امره
والرؤيا فيها عدة خطوبات لكِ
والله اعلم
عليك بالدعاء والاستغفار والصدقة
سؤال
هل تعانين من تعب في جسمك ؟
مممم يوم اصوم وافطر احس بتعب..
وفليل قبل ما ارقد اقرا سورة البقره وقبل ما اخلصها احس بتعب ف ريولي وراسي ورقبتي بس ابا انسدح واحط راسي عشان ارتاح بس انا اتم مواصله لين ما اخلص القراءه واقعد شوي وما اقدر اطول وارقد على طول بسبة راسي..
وبس
عليك بالرقية والشرعية وخذي زيت زيتون وماء واقرئي عليهما ايات الرقية الشرعية مع ايات السحر
اشربي من الماء واستحمي وادهني كامل جسمك بزيت الزيتون 0
وواصلي قراءة سورة البقرة وبعد الإنتهاء منها انفثي على جسمك والتعب الذي تشعربين به هو من الأذى الذي بك وبإذن الله تشفين منه وتتزوجين
بالنسبه للصيام صومي حسب استطاعتك
اسأل الله أن يشفيك ويعافيك ويرزقك بالزوج الصالح