السلام عليكم ورحمة الله وبركاته
تغليف الهدية
عادة بيكون بالورق المفضض اللامع
و لكن فى الآونة الاخيرة انتشر تغليف الهدايا
بالدانتيل و القماش
بس انا بصراحة بحب الورق اللامع اكتر
بتكون الوانه كتيرة و الرسومات عليه متنوعة
تزيين الهدية
بعد لف الهدية بيجى وقت تزيينها
و بيتم ذلك من خلال وضع شرائط عليها وعمل فيونكة او وضع اكسسوارات بسيطة
الشرائط
منها العريض
و ممكن تكون الحجم الوسط
و ممكن تكون الشريطة رفيعة
و فيه من الدانتيل
و الوانهم بتكون عديدة و متنوعة
و يفضل ان لون الشريطة يكون متناسق ومتناسب مع لون لفة الهدية
و مش لازم يكون عندك بكرة كاملة من الشريطة
فبيوجد شرائط و فيونكات جاهزة لوضعها على الهدية بتتباع فى المحلات
صناديق الهدايا
طبعا بيختلف حجمها حسب حجم الهدية
ومنها اللى بيتباع جاهز يعنى بيكون مغلف و مزين وجاهز لوضع الهدية فيه
و فى صناديق بتتباع من غير ماتكون مغلفة وانتى تغلفيها وتزيينيها على ذوقك
شنط الهدايا
طبعا هى كمان يفضل ان لونها يكون متناسق مع لفة الهدية
و نراعى ان الهدية لو صغيرة نجيب لها شنطة صغيرة
و نراعى كمان ان لو الهدية لاطفال
تكون شنطة الهدية مناسبة ليهم
لو شنطة الهدية لونها سادة
ممكن انتى تزيينيها
صور لشنط الهدايا
و ممكن نضع الهدية فى شنط من القماش او الدانتيل او الاورجانزا
