ارجو منكم تفسير الرؤى

بنت خالتي اسمها فاطمه .. عمرها 17 سنه .. غير متزوجه … اتكررت الرؤيه 4 مرات

تقول شافت انها هي واهلها مسافرين .. وانه ابوها يقولهم بنوقف ونعبي بنزين

وانتم خشوا على الحمامات اكرمكم الله .. واغتسلو .. وانه ابوها يوقف عند بيت

طين قديم مهتري .. بجنب المحطه .. وتقول انها خشت سيب شوي قصير

وارضيية تراب وتخش على الحمام اكرمك الله وارضيت الحمام رمل وسقفه

من عسف النخل والباب خشب مره قديم ومكسر وانها لم جلس طلع نمل

من الرمل وجلس يمشي ع الارض

ولدرجة انها جلس يطلع على رجولها وتقول خفت وفتحت الباب وطلعت لسيب

وشوي وينط على نمر ويهجم علي وتقول كنت ارميه ويطيح ع الارض وبعدين

يرجع وينط على من جديد واخر شي رميته وجلست اجري فالسيب وطلعت من البيت

لكن فالجهه الخلفيه وكانت مره ظلام ومافيه احد.. وحتى اهلي من خشيت مادري وين راحوا

…………..

ايت اسأله انا تحت امرك

………..

بارك الله فيك اختي

…

وهذا حلم زوجة خالي .. واسمها كمان فاطمه .. عمره .. 39 .. متزوجه .. عندها .. ابناء

الرؤيه الاول … تقول انها شافت حيات .. ثعابين .. فالغرفة وانها كانت تضربهم ويموتوا

وكان واقف عندها اخوها اسمه محمد .. وتقول انها شافت وحده من الحيات تحت البطانيه

وسحبتها وجلست تضربها لكن الحيه قبل لاتموت قرصتها من يدها اليسار ..

وتقول بعد ماخلصت وذبحتهم كلهم راحت تغسل يدينها من السم ووجهها لاحظت يدها

ومن الكف لقبل الكوع لونه احمر ومنفوخه ..( يعني زي لما تلسع النار ينتفخ الجلد ويكون

تحته ماء او صديد ويكون زي الجلي يتحرك ) اتمنى اني شرحت شكله …

وانها حست بوجهها يحرقها ولمن ناظرت فالمرايه لقيت الجهه اليسرى من وجهها من الحاجب

والخد كمان احمر ومنفوخ وتحس بالم فاليد والوجه

……………………………..

ورؤيتها الثانيه ..

الكلام لفاطمه .. تقول كنت فالغرفه ومعايا اختي واسمها هدى .. وانه هدى شافت

صرصور تحت السرير وجلست تنبه فاطمه له .. تقول فاطمه كان شكل الصرصور

مره كبير قد كف اليد وغريب .. تقول لما ناظرت فيه نط الصرصور على وجهي من الجهه اليسرى

وتعلق وكان جاي على الحاجب والعين والخد وشاد عليهم .. تقول جلست اصرخ

وماقدرت المسه بيدي لكن اختي هدى جلست تغسل وجهي فالماء .. وشوي تركتني

وهو لسى لازق بوجهي وكملت انا غسل وجهي وشوي جلس يطلع فيدي قطعه قطعه

مع الماء وبعدين ناظرت فالمرايه الا وجهي احمر ومشدود .. وكنت خايفه واقول بيني وبين

نفسي الحمد لله

ماصار شي لعين

…………

وربي ادري اني ثقلت عليك .. بس العذر والسموحه منك اختي

…..

ياليت تفسريها لهم .. واذا ماقدرتي مسموحه حبوبه

يعطيك العافيه

…

مساء الخير اختي ..

بنسبه .. لزوجة خالي .. في حلمها الثاني ..

تقول لما غسلت وجهها لحظت الاحمرار بخدها

وكمان فتحت الانف كان شكلها غير الطبيعي يعني اوسع

ومي نظيفه فيها وانتي بكرامه ( مخاط يابس )

وعينها يادوب تفتحها .. وكانت تقول الحمد لله عيني ماصار فيها شيي

……………….

العفو منك ..

والله لي زمان وانا انتظر التفسير

وماحبيت ارفع الموضوع لانكم قلتو التفسير

راح يكون فالدور .. لكن الي شفته انه تم تفسير

احلام جديده ..

ياليت اعرف اختي المفسره راح تخوش ولا لا

وعساها متشوف شر

…

شكرا للجميع

هلا فيك اخية…الاخت المفسرة غايبة ولا ندري وش ظروفها …ولأنها قالت راح تدخل تفسر حسب وقتها وظروفها…فالتمسي العذر لها.بارك الله فيك.

عسى المانع خير

ومشكوره اختى على الرد

…………………….

السلام عليكم ورحمة الله وبركاته

اختي الغالية هذي الرؤى خاصة بهم والافضل تفسر لهم

اعطيهم اسم المنتدى ليعرضوا الرؤى ويبشرون افسرها لهم 0

وارجو منك قبول اعتذاري

انتظرك اختي الغاليه

ام مصعب الله يعافيك ارسلت لك رساله

خاصه زي مطلبتي بالبينات من اربع ايام تقريبا

وانتظر تفسيرك اختي

الله يسعدك فالدارين .. ماتهملين الرؤى … واذا منتي حابه تفسرينهم

قوليلي لا تخليني انتظر

……………