فنجان قهوة سكر + 2 ملعقة اكل خميره فوريه + 2 كاس ماء دافي + ذرة ملح +2 كاس طحين + 2ملعقة حليب باودر
نخلط المكونات جميعها و نتركها لمدة 10 دقائق لتخمر
بعد 10 دقائق نضيف نص كوب زيت مازولا
و 3 أكواب طحين و تعجن جيدا
وهنا أصبحت جاهزة للاستعمال .. وهذة العجينة هي عجينة ال 10 دقائق أسرع عجينة
ممكن نعمل في هذه العجينة بيتزا رول
بنفرد جزء من العجينة و بندهنا بصلصة البيتزا (كاتشب و ملح و بهار و زعتر ورق)
بنبرش على طرفها جبنة موزوريلا أو قشقوان
و بنلفها رول و بنقطعها و بنصفها بصينية الفرن
تاني شي ممكن نعمله .. أصابع النقانق
فردت العجينة و قطعتها شرائط مستطيلة و لفيتها على حبة النقانق و حطيتها في صينية الفرن
وهاي شكلهم النهائي
طبعا ممكن نعمل اي نوع حشوة تانية
معجنات الشوكلاتة و المربى
بنفرد العجينة بشكل دائري
بنقطعها مثلثات
نحط على الطرف العريض قطعة من الشوكلاتة
أو بنحط مربى .. أنا حطيت مربي فراولة
و لفيتها و حطيتها بصينية الفرن
وهاد الشكل النهائي
و طريقة أخرى
ضفت على جزء من العجينة سمسم و حبة البركة و عجنتها و قسمتها و فردتها بشكل دائري و لفيتها زي هاد الشكل و تركتها تخمر و خبزتها
و صار عنا خبز صمون ممكن تحشوه بأي شي بدكم اياه
تسلم ايدك عزيزتي
