شو الاخبار
ساندويش الدجاج اليووم لذيذ ويمي وهاي صوورته
ومقاديره
2 صدر دجاج مقطع لقطع متوسطه
بصل مفروم
ثوم + زنجبيل
بهارات مطحوونه(ملح +فلفل اسود+كزبره+بهار التندوري+فلفل احمر)
شويه رووب
شويه سنوت(بذرة الشمر)
الطريقه
نقلي البصل ونحط عليه شوية سنووت وبعدين نضيف الثوم ويا الزنجبيل
مجرد ما تفوح ريحته نحط عليه الدجاج ونغطيه لين يبيض لوونه
نحط البهارات والرووب وشويه ماي ونخليه يغلي لين ينشف عنه الماي
ويكون جاهز ان نحطه في الساندويش مع المايونيز والخس والطماط
بالنسبه للبطاط
المقادير
بطاطا مقطع اصابع او قطع كبيره
ليمون
زيت زيتون
طحين
ملح+فلفل اسود+البابريكا
الطريقه
نخلط الليمون ويا زيت الزيتون
نغمس البطاط في خليط الليمون
نخلط البهارات ويا الطحين
نطلع البطاط من خليط الليمون ونحطه في الطحين المبهر
ونقليه مثل البطاط العادي
وها السندويش وياالبطاطا الودجز جاهز
وهذا البطاط من قريب
وبالعافيه
