المقادير
*دجاجة او اكثر حسب عدد الافراد
*التوابل
*الشعرية الصينية
*كبدة الدجاج مصلوقة ومقطعة
*لاصوص الصوجا
>*الزيتون مقطع
*الشومبينون
*حبة بصل صغيرة
الطريقة
في مقلة نضع بصلة صغيرة مشلظة نطيحوها في الزيت
تم نضيف الكبدة اللي سبق لينا سلقناها وقطعناها
نضيف لها الملح, القليل من السكنجبير وضرس ثومة و الابزار ,التحميرة, الكامون, الخرقوم والهريسة
نحركها لتشرب التوابل
تم نضيف الزيتون مقطع القزبر والشومبينيون
بعد ذلك نضيف الشعرية الصينية اللي طلقناها في الماء غليان ونقطعوها
ونضيف لاصوص الصوجا
وهاهي الحشوة واجدة
نعمرو بيها الدجاجة
وندهنوها بالزبدة مخلطة مع شوية دالزعفران حر ونديروها فالكسكاس لمدة ساعة او اكثر حتى طيب بالبخار
تدهن مرة اخرى بالزبدة والزعفران وتدخل الى الفرن متوسط الحرارة حتى تتحمر من كل الجوانب
تقدم مع البطاطا الصغيرة مشرملة
انا خديت المرقة للي نزلات فالقدر وضفت عليه البصل مقطع رقيق وخليتو حتى تعسل وقدمتو معاه فالزليفات