اي نوع من البنات كنت ؟

في المنزل تجدها حبوووبة وطبيعية 100 %
لكن مع دخولها المدرسة .. ( تنمحي ) شخصيتها ..
فتكثر الاصابات في وجهها.. لأنها ماتدافع عن نفسها ..

البنت العنيدة

يطبق نظام البيت بالعناد .. تسوي اللي براسها ..
ماتخاف من الأب أو الأم .. لو قلت لها هذا خطر لاتقربيه .. عناد فيك تسويه ..
تضرب كثيراً في طفولتها .. ومع ذلك عنيدة ماتغير رايها ..

البنت الحنـّانة

تستخدم وسيلة الحنة لتلبية رغباتها
لها نغمه خاصه في المنزل ..
تلبى رغباته كـُرهاً .. يعانون اهلها من الصداع المستمر ..

البنت المادية

هذه البنت ماترد السلام الا ( بفلوس ) ..
تعاملها مع اهل المنزل .. مادي بحت ..
يستخدمونها لتوصيل طلبات المنزل .. ونقل السوالف.. وكل شي بحسابه ..

البنت الفتـّـانة

تجد عند هذا النوع جميع اخبار المنزل ..
تجد المتعه في اذلال غيرها بالفتنه عليه .. مالها خاتمها ..
هذه البنت حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

البنت الدلوعة

هذه دلوعة ماما وبابا .. يكرهونها باقي الاطفال لانها مرفها وشايفة نفسها عليهم..
تلبى رغباتها قبل لتطلبها .. شخصيتها اتكاليه جداً ..

البنت العلـّه

تزعجك بأسئلتها الي ماتنتهي .. تستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
تحرجك احياناً .. وتتمكن دائماً بأسئلتها .. مره تجاوب عليها ومره تسفهها ..
واكثر الاوقات ماتلقى اجابه لاسئلته .. لانك في الحقيقه تجهلها ..

البنت الداجة

هذهالبنت مستحيل تجلس في المنزل ..
تعيش في الشارع اكثر من بيتها .. خبره ودليل في كل ممر وطريق ..تعرف طول الشارع بالسنتيمتر .. من الممكن ان تصبح اذا كبر مهندسة طرق ..

البنت الملسونة

يستانسون اهلها على سوالفها .. فصيحة جداً ..
وتلقط العبارات والمفردات بسرعة مذهله ..
تسبب احراج دائم لأهلها .. من الممكن ان تقول كلمة بالغلط للضيوف او الاقارب ..
تتميز احياناً بقلة الذووق والوقاحة اذا انفعلت ..
لاينصح بأستفزازها ابداً ..

البنت اللزقه

تلقاها مسنترة عند باب البيت .. محد يطلع الا وهي لازقة معاه ..
حتى الضيوف من الممكن تلقاها تلزق فيهم وتطلع معاهم ..
تضرب كثيراً .. وخاصه من اخوانها اللي اكبر منها .. او خواتها ..
لانها عباره عن رادار على طلعاتهم ..
احياناً يضطرون يطلعون من نافذة المنزل للهروب منها ..
ولكن للأسف يجدونها بانتظارهم في السيارة ..وتسألهم ليش تأخرتوا عليّ ..

البنت الهادئة

هذه البنت مالها صوت ابدا.. وين ماتحطها تلقاها ..
احياناً يهملونها اهلها .. لانهم ناسينها ..
واحياناً تلقى اهتمام زائد من اهلها ..
لو تموت من الجوع ماتتكلم ..
في كثير من الاحيان تلقى اهلها ناسينها بالسوق او عند الاقارب اثناء الزيارات ..

البنت القوية

اهلها دائماً في احراج و مشاكل مع الناس ..
هرمون الاجرام مرتفع بنسبة عالية في جسمها ..
في كل جبهة طفل في ( منطقتهم ) تلقى له أثر وتوقيع ..
تمثل القائدة والفتوه .. يهابونها الاطفال ..
يتقرب منها الكبار ويتوددون له حفاظاً على سلامة اطفالهم ..