اخطاء عامة بالجمال انتبهي منها بالصور من الشعر واللبس والبشرة وكل ما يخص ا حواااء

وغير كذا… لو حصل وربطتيه بشكل حلو انتبهي لنوعية الربط كيف بيكون!!!
يعني لاتربطين شعرك بلفة او بكله كبيرة بالذات لو شعرك يميل للنعومة او انه خفيف لان الربطة الكبيرة راح تخليه اقل ومتهدل…مثل الصورة


المفروض
تستخدمين الربطة الحديد اللي تسكرينها ( مااعرف اوصفها ) اكيد عارفينها المستطيلة باشكالها لانها تخلي الشعر اعرض عند الربط
او الربطة المطاطية العادية لكن الصغيرة والسر انها تعطي ارتفاع حلو عند اعلى الذيل

ثانيأ : الروج
وه بس انا مايرفع ضغطي الا الشكل التالي:

ليييييييييييش؟؟؟
يعني على بالك انه بتصير شفايفك اكبر ومليانة؟؟؟ لا ياحلوة ليس هكذا تؤكل الكتف
تخيلوا اني اشوف احيانا ناس تحط روج احمر ومحدد اسود!!!!
المفروض
حاولي قد ماتقدرين انك تدمجين الروج مع المحدد لان هذا اللي راح يخلي الفم مليان بالذات لو تضيفين شوي gloss بالنص..

ثالثأ: الحواجب
انتبهي اختي الطخمة لحواجبك لما ترسمينها…
اذا بغيتي تحطين مكياج ناعم وطبيعي لاتهملين شكل حواجبك.. يعني مثلأ.. تكحلين عيونك وتتركين الحاجب بدون تعديل يقال انك بتخلينه طبيعي (الصورة الاولى)
او تهتمين بالحاجب وتتركين العين مافيها شي يقال انك بتتركينها طبيعية!!! ( الصورة الثانية)
شاهدي الصور واحكمي

راح نتكلم عن اللبس
زي ما انتوا عارفات ان موضة جلد النمر ماتنتهي….
الغلط في هالنوع من القماش انك تلبسينه على شكل بلوزة …. وبالذات ان كنتي من اللي يلبسن مقاسات كبيرة بالعربي ( دبيات )…
الصورة اللي حطيتلك اياها فيها اكثر من غلط :
1- انها لابسة بلوزة جلد نمر بالجزء العلوي وهذا بيخليها اسمن حتة لو هي نحيفة..
2- الاكمام اللي من هالنوع يعني الكتف يكون طالع احذر فيه صاحبات الصدر الكبير والمليانات لاتخيطون او تلبسون مثل هالنوع بتاتأ البته…
3- الملابس الداخلية…. اذا كشختي وصرتي وش حليلك قبل لاتطلعين القي نظرة على السوتيان بصراحة لايكون طالع بشكل مقرف او لونه شاذ زي اللي بالصورة وهي تعبر عن نفسها

البلايز والجاكيتات
بما اني اتكلم عن صاحبات الوزن الثقيل او العادي او الصغير كله مايفرق معي >> بدت الخمبقة
المهم انه اذا لبستي اختي الدبية بلوزة من قطعتين وحدة تحت ووحدة فوق…وان كان نوع البلوزة الثانية ممسوكة بربطة وحدة او زر واحد من الوسط..وياكثر هالنوع الحين بالشتاء.. انتبهي من موقع الربطة
عينكم على الصورة

المفروض

اشتري البلايز اللي فيها الربطة تكون على منطقة الخصر تحت الصدر او سكري الزر اللي عند خصرك واتركي اللي عند الصدر مفتوح >> هذي دايم اسويها..لان هالنوع راح يبين خصرك وحتى لو ماعندك…وينحفك ويبرز جسمك بشكل احلى

انتبهي اختي من ارتداء بلوزة مفتوحة من قدام ( النوع الكلاسيكي) اللي تكون واسعه…
اكيد اغلبكم عارفين هالمعلومة لكن قلت اذكركم فيها وشوفي الفرق بين الصورتين

المفروض

وهالنوع من البلايز المخصرة حلوة لكن على الرغم من كذا حاولي تختارين المقاس اللي مايكون ماسك على الجسم والخصر بشكل واضح يعني احلى لو تكون مقدار انش او انشين فضفاض لانها تعطي انسيابية على الجسم وماتبين عيوبه

يسلم قلبك اختي الحبيبة

وحياكي الله على مرورك العطر ولك مني غاليتي

كل الحب والود

في امان الكريم